2008.05.12【太陽報】乖女孝子絞盡腦汁賀母親節 祖兒全日獻身任媽咪掃貨
12/05/2008
文： 專案組
昨日是母親節，樂壇天后容祖兒特別重視這個節目，幾個月前已向公司請假，相約經理人霍汶希（Mani）及容媽媽到酒樓飲茶慶祝。而圈中一班孝女乖仔亦絞盡腦汁阿媽！
在單親家庭長大的容祖兒，跟細佬都是由媽咪一手湊大，故她特別愛錫這位偉大母親，即使再忙亦要抽時間相伴。前晚祖兒才出席《星光熠熠耀保良》，昨日一早便起床陪媽咪行街，下午相約經理人Mani及其家人到福臨門飲茶慶祝，盡享家庭樂。
昨午二時許，架上黑超的祖兒陪媽咪Sandy到灣仔酒樓飲茶，經理人Mani則抱姨甥女及妹妹一同到來，兩家人齊齊開心慶祝母親節。據知祖兒幾個月前已向公司請假，並在兩星期前訂食飯，準備充足，而H20+老闆娘余麗絲亦有到場。昨日記者聯絡祖兒，她緊張地說：「我都大個女，愈愈識諗，希望珍惜同媽咪相處時候，我今日24小時畀晒阿媽，陪佢做乜都得，其實媽咪一向鍾意簡單，所以今日只會行街Shopping。（送豪宅首飾？）我所有收入都畀晒媽咪，咩都畀晒佢啦！」祖兒直言已倣效Mani給母親一封大利是，不過還想給媽咪另一個驚喜：「仲有份神秘禮物，但唔講得。」而Mani表示祖兒送上一副太陽眼鏡給她，因當她是「第二個媽咪」。
林嘉欣親自落廚
除了祖兒外，向來孝順的林嘉欣昨日出席《心靈家書3》的新書慈善發布會時透露，母親周二從加拿大來港，屆時會封大利是表心意。而昨日她先孝敬契媽潘迪華，並親自到街市買菜，炮製麻油雞麵線及炒年糕等美食。
而高皓正的媽媽在他六歲時因患肝癌不幸去世，自此他未能與媽媽一起過節，他說：「媽咪依家天堂過得好快樂，我每年呢個節日都會擺跳舞蘭，媽咪生前最鍾意呢種花。」他坦言媽媽過身令他在童年時候性格變得孤僻。
徐子珊信用卡任碌
至於徐淑敏（Suki）、徐子珊及李卓庭昨日到屯門出席活動，Suki因日前與朋友玩至夜歸激嬲媽咪，令她十分擔心，故昨日已訂了花，打算收工後親自送花媽咪。子珊亦十分識做，既於前晚跟媽咪食飯慶祝，昨日更送上附屬信用卡給媽咪任碌購物，至於李卓庭因感冒導致失聲，要勞煩媽咪為她弄一杯愛心八仙果茶潤喉。
另外，台灣人氣偶像汪東城及唐禹哲等前日宣傳新劇《翻滾吧！蛋炒飯》，他們即場以說話母親，並合力畫出最完美媽媽的樣貌。
